Шинээр болон шинэчлэн байгуулагдсан хоршоог чадавхижуулах, бэхжүүлэх хүрээнд хоршооны гишүүдийг сургах, мэдээлэл өгөх сургалт Мөрөн суманд зохион байгуулагдаж байна. Сургалтанд Хөвсгөл аймгийн хэмжээнд байгуулагдсан хоршооны 350 гаруй гишүүд хамрагдаж байна. Сургалтаар гишүүдэд хоршооны засаглал, маркетинг, зээлийн эргэн төлөлт, хоршоо болон хоршооны гишүүдийн малчины татварын тухай, хоршоонд газар олгох үйл ажиллагаа, хоршооны нягтлан бодох бүртгэл, тайлан хоршооны үйл ажиллагаанд ашиглагдах тоног төхөөрөмжийн судалгаа, тэдгээрийн танилцуулга, бизнес төсөл боловсруулах зөвлөмж зэрэг мэдээллийг өгч байна.