1.1 Төрийн хяналт шалгалтын тухай хуулийн 13 дугаар зүйлийн 13.1 дэх заалт, Засгийн газрын 2011 оны 311 дүгээр тогтоолоор баталсан Аж ахуйн нэгж, байгууллагын үйл ажиллагаанд дотоод хяналт шалгалтыг зохион байгуулах нийтлэг журам, сумын Засаг даргын дэргэдэх орон тооны бус дотоод аудитын нэгжийн ажиллах журам, 2025 онд дотоод хяналт шалгалт хийх төлөвлөгөөний дагуу гарсан удирдамжын дагуу “Мөрөн хот тохижилт үйлчилгээний төв” ХХК-ийн санхүүгийн үйл ажиллагаанд дараах цар хүрээнд дотоод хяналтыг хэрэгжүүллээ. Үүнд тус байгууллагын Төрийн болон орон нутгийн өмчийн хөрөнгийн хадаглалт, хамгаалалт, бүртгэл, ашиглалт, зарцуулалтын байдал, Төсвийн санхүүжилт, зарцуулалт, түүний үр ашигтай байдал, Өглөг, авлагын бүртгэл, нотолгоо, холбогдох баримтын хяналт, Санхүүгийн хяналт, төрийн аудитын байгууллагын хяналт, шалгалтаар өгсөн зөвлөмжийн хэрэгжилтэд хийх хяналт, Дансны үлдэгдэл, цалингийн сангийн тооцооны тулгалт, Няравын тайлан бүртгэл, тооцоо, анхан шатны баримтын бүрдэл, дүнгийн тулгалтыг сумын Засаг даргын тамгын газрын төсөв, төрийн сангийн мэргэжилтэн Д.Ганхүү, Хөрөнгө оруулалт, хөгжлийн бодлого төлөвлөлт, худалдан авах ажиллагаа хариуцсан мэргэжилтэн Л.Оюун-Эрдэнэ, Нягтлан бодогч Ө.Мягмарсүрэн, нярав Н.Дэлгэрмаа нар 2025 оны 05 дугаар сарын 22-ноос 2025 оны 05 дугаар сарын 24-ний өдрийн хугацаанд хийж гүйцэтгэлээ.