БИЧМЭЛ ТАЙЛАН

 

 

Асран хамгаалагч, харгалзан дэмжигч тогтоолгохыг хүссэн 11 иргэний хүсэлт холбогдох материалын бүрдүүлбэрийг хянан үзэж асран хамгаалагч харгалзан дэмжигчээр тогтоосон Сумын Засаг даргын захирамжийг хүргүүлж холбогдох заалтуудын хэрэгжилтийг хангаж ажилласан.

Газартай холбоотой нийт 39 өргөдөл ирсэн. Шинээр газар эзэмших хүсэлт ирүүлсэн 20 иргэнд 2024 оны тухайн жилийн газар зохион байгуулалтын төлөвлөгөөнд гэр бүлийн хэрэгцээний зориулалттай газар төлөвлөгдөөгүй тул шийдвэрлэх боломжгүй талаар иргэдэд албан бичгээр хариу хүргүүлсэн.

Газрын гэрчилгээ гаргуулах хүсэлт ирүүлсэн 11 иргэний өргөдөлд тухайн газар олгосон шийдвэр шалгагдаж байгаа тул шалгалтын дараа гэрчилгээ олгох шийдвэр гарна.

Газрын хэмжээ сунгуулах хүсэлт ирүүлсэн 3 иргэний хүсэлтийг дэмжсэн саналыг холбогдох байгууллагад хүргүүлсэн.

Газрын маргаан шийдвэрлүүлэх тухай 4 иргэний өргөдөл ирсэн бөгөөд 3 иргэнд захиргааны хэргийн анхан шатны шүүхэд хандаж шийдвэрлүүлэх талаар албан бичгийг хүргүүлсэн. 1 иргэн өргөдлөө цуцалсан.

Тусламж, дэмжлэг хүссэн нийт 19 хүсэлт ирсэнээс 3 иргэний өргөдлийг Засаг даргын зөвлөлийн хурлаар хэлэлцүүлж Засаг даргын мөрийн хөтөлбөрийг хэрэгжүүлэх арга хэмжээний зардалаас тус бүр 2 иргэнд тус бүр 1,000,000 төгрөг, 1 ахмад настанд 300,000 төгрөг захирамжаар зарцуулж хандив өгсөн.

Түлшний дэмжлэг хүссэн 2 иргэнд Засаг даргын захирамжаар тус бүр 4м3 сажыг ачиж буулгаж өгсөн.

Мөнгөн дэмжлэг хүссэн 2 өргөдөл ирсэн. 1 ахмад настны өргөдлийн Хөдөлмөр, халамжийн үйлчилгээний газарт хандаж ахмад настны зөвлөн туслах үйлчилгээний төсөлд хамрагдах боломжтой талаар зөвлөгөө өгч холбогдох мэргэжилтэнд зуучлан иргэний төслийг дэмжсэн албан бичгийг хүргүүлж ажилласан.

1 иргэний хүсэлт судлагдаж байна.

Өвс, тэжээлийн тусламж хүссэн 1 иргэнд захирамжаар сумын нөөцөөс тусламж олгосон.

Ногооны үр хүссэн 2 иргэнийг хүсэлтийн дагуу хөнгөлөлттэй ногооны үр олгосон.

Мөнгөн тусламж хүссэн 1 иргэний өргөдөл амьжиргаа дэмжих зөвлөлийн хурлаар оруулсан боловч хуульд нийцээгүй тул дэмжигдээгүй. Иргэнд утсаар хариу хүргүүлсэн.

Мөнгөн тусламж хүссэн 2 иргэний өргөдөл зөвлөлийн хурлаар хэлэлцүүлж материалын бүрдүүлбэр хуулийн шаардлага хангаагүй тул дэмжигдээгүй.

Гэр хүссэн 2 иргэний өргөдөл Амьжиргаа дэмжих зөвлөлийн хурлаар оруулсан боловч дэмжигдээгүй байна.

Хүүхэд үрчлэх тухай-16 иргэний хүсэлтийг судлан 15 иргэнд сумын Засаг даргын захирамжаар үрчлүүлэхээр шийдвэрлэсэн. 1 иргэний хүсэлт судлагдаж байна.

Ажилд орохыг хүссэн: 16 иргэний хүсэлтийг хүлээн авч сумын Засаг даргын захирамж болон гэрээ хийж жлын байраар хангасан.

Бусад асуудал шийдвэрлүүлэх тухай 19 хүсэлт ирсэн бөгөөд:

Торгуулийн орлого андуурагдаж хийгдсэн тухай 1 хүсэлт байсан бөгөөд Санхүүгийн албаны дарга холбогдох материалын бүрдлийг хангаж шийдвэрлэсэн.

Гэрлэлт цуцлуулах тухай 1 хүсэлт судлагдаж улсын бүртгэлийн хэлтэст хандахыг зөвлөж албан бичгээр хариу хүргүүлсэн.

Гэрэлтүүлгийн сан холдуулахаар ирүүлсэн иргэний хүсэлтийн дагуу Мөрөн ХТҮТ ХХК-тай хамтран гэрэлтүүлгийн шонг зөөж суурилуулсан.

Барьцаа хөрөнгө чөлөөлүүлэх тухай 2 иргэний хүсэлтийг хүлээн авч Улсын бүртгэлийн хэлтэст иргэний хүсэлтийн дагуу албан бичиг хүргүүлсэн.

Явган хүний гарц гаргуулах тухай иргэний хүсэлтийг Засаг даргын орлогч Барилга захиалагчийн хяналтын төвийн Захирал инженерүүд газар дээр нь очиж нөхцөл байдалтай танилцаж Ажлын зургийн дагуу гүйцэтгэсэн тул боломжгүй гэдэг хариу өгсөн

Мал тооллогын үеэр малчидтай уулзах хүсэлт ирүүлсэн 1 иргэний хүсэлтийг хүлээн авч иргэний талд шийдвэрлэсэн.

Хоршоо хөгжүүлэх сангийн зээлийн хугацаа хойшлуулах 1 иргэний хүсэлийг иргэний талд шийдвэрлэж хугацааг хойшлуулсан.

Хогийн цэгийн байрлал өөрчлүүлэхийг хүссэн 2 иргэний хүсэлтийг дэмжин холбогдох байгуулагад уламжилсан.

Цэцэрлэгт хүрээлэнгийн тохижилтын ажил хүлээлгэн өгөх иргэний хүсэлтийг хүлээн авч албан бичгээр хариу хүргүүлсэн бөгөөд зарим холбогдох материал болон хуулийн хэрэгжилтийг хангаж дахин ирүүлэхийг зөвлөсөн.

Дахивар худалдан авах ажлын байрны 1 хүсэлтийг иргэний талд шийдвэрлэж дахивар авах цэгийг гэрээ эзэмшүүлсэн.

СӨХ-ийн гэрчилгээ гаргуулах 1 хүсэлтийн дагуу холбогдох материалыг бүрдүүлэн авчгэрчилгээг олгосон.

11 дүгээр хороонд шинээр эзэмшсэн газарт тог цахилгаан оруулах иргэний хүсэлтэд Эрчим хүч ХХК-тай холбогдож тухайн жилийн төсөв төлөвлөгөөнд тусгагдаагүй тул шинээр олгосон газарт тог цахилгаанаар хангах боломжгүй талаар.мэдээлэл өгсөн.

Зөвшөөрөл олголт хийгдээгүй тул шийдвэрлэх боломжгүй хариу хүргүүлсэн.

1 иргэний хүсэлтийг Байгаль орчин, аялал жуулчлалын газарт албан бичгээр дэмжин уламжилсан.

1 иргэний хүсэлтийг Газрын харилцаа, барилга, хот байгуулалтын газар дээр хийлгэх болсон.

Чимэдийн толгой буюу Түнэл сумын нутаг дэвсгэрт худаг гаргах хүсэлт ирүүлсэн тул өөр сумын нутаг дэвсгэрт бүтээн байгуулалт хийх боломжгүй тухай мэдэгдсэн.

Аймгийн Засаг даргын Тамгын газраас шилжүүлсэн өргөдлийг судалж иргэнд Иргэний хэргийн анхан шатны шүүхэд өгч шийдвэрлүүлэх боломжтой тухай мэдэгдсэн.

Хагас жилийн байдлаар Мөрөн сумын Засаг дарга, Засаг даргын Тамгын газарт нийт 147 өргөдөл ирсэн байна. Үүнд тамхины тусгай зөвшөөрөл хүссэн 10 хүсэлтийг И-Монголиа үйлчилгээгээр цахимаар хүлээн авч 0 өргөдлийг шийдвэрлэсэн.

Ирүүлсэн нийт 147 өргөдлийн 142 өргөдлийг шийдвэрлэж хариу хүргүүлсэн ба 5 өргөдөл судлагдаж байна.