Архив, албан хэрэг хөтлөлтийн тухай хуулийн 23.2.5 дахь заалт, Хууль зүй, дотоод хэргийн сайдын 2021 оны А/222 дүгээр тушаал “Байгууллагын архивын үйл ажиллагааны нийтлэг журам”-ын 7.3, 2.1.5 дахь заалтуудыг үндэслэн Сумын засаг даргын А33 дугаар захирамжаар архивын баримтад тооллого хийх ажлын хэсэг байгуулагдан ажиллаж байна.

Ажлын хэсгийн гишүүд байгууллагын архивд хадгалагдаж байгаа хадгаламжийн нэгжийн бодит тоог тогтоох, тоо бүртгэлийн баримт бичигт тусгагдсан тоотой тохирч буй эсэхийг шалгах, механик болон биологийн гэмтлээс урьдчилан сэргийлэх, сэлбэн засах шаардлагатай баримтыг илрүүлэх ажлыг хийж гүйцэтгэж байна.