Мөрөн сумын төвлөрсөн хог хаягдлыг хумих, цэвэрлэх ажил 5 дахь өдрөө үргэлжилж байна. Өнөөдөр сумын Засаг дарга Х.Тайванбаяр, Засаг даргын орлогч Ч.Батсүх болон Мөрөн сумын ИТХ-аас 3 албан хаагч, ЗДТГ-аас 15 албан хаагч, Мөрөн хот тохижилт үйлчилгээний төв ОНӨХХК 3, 16 машин механизм, төвлөрсөн хогийн цэгийг цэвэрлэх, хумих талбайд ажиллаж байна.

1940 оноос үүссэн Элстийн ар уулын хог хаягдлын талбай нь тэлсээр 169 га талбайг хамарсан бөгөөд орон нутгийг удирдлагуудын хүсэлтийн хүрээнд БОАЖ-ын сайд Б.Бат-Эрдэнийн дэмжлэгтэйгээр энэхүү ажил өрнөж байна. Хогийн цэгийг цэгцэлж дуусаад 20 га талбайд мод тарина.