Улс орон даяар өвөлжилтийн нөхцөл байдал хүндэрсэнтэй холбогдуулан Улсын онцгой комиссын шуурхай штабаас аймаг, сумдын онцгой комиссын гишүүдтэй цахим хурал зохион байгуулж ОБЕГ-ын дэд дарга Бригадын генерал Б.Ууганбаяр үүрэг чиглэл өгсөн ба энэхүү хурлаас гарсан чиглэлийн дагуу Мөрөн сумын Засаг даргын А/367 дугаар захирамжаар байгуулагдсан Мөрөн сумын шуурхай штабд сумын Засаг дарга, Шуурхай штабын дарга хэрэгжүүлэх ажлын талаар үүрэг чиглэл өглөө.

Үүнд:

Гамшиг, цаг агаарын аюулт үзэгдэл, ослоос урьдчилан сэргийлэх, тэмцэх хариу арга хэмжээг үүсэх эрсдэл, нийгэм, эдийн засгийн нөхцөл байдалтай уялдуулан эрсдэлийн үнэлгээнд тулгуурлан төлөвлөж зохион байгуулах;

Малчин, мал бүхий иргэдтэй хариуцлагын гэрээ байгуулах

Болзошгүй эрсдэлийн үед шатахууны нөөц хангалтыг бий болгох

Өвөлжилтийн нөхцөл байдалтай холбогдуулан цаг алдалгүй арга хэмжээ авах

Сумын онцгой комисс, шуурхай штабаас хариуцлагатай жижүүр гаргаж ажиллах

Сумын Онцгой комисс, Гамшгаас хамгаалах албадын үйл ажиллагааг уялдуулах, мэдээ, мэдээллийг цахим технологийн түвшинд шуурхай солилцох;

Албан байгууллага, ААН-ыг уриалж ажиллах