Улаанбаатар хотын ТВ-9 телевиз, Араг продакшнтай хамтран зохион байгуулдаг " Мөрөөдөл биелдэг юм" нэвтрүүлгийн зочин оролцогчоор Хөвсгөл аймгаас анх удаа сонгогдсон Г.Дамдинсүрэнгийн нөр их хөдөлмөрийг үнэлэн Мөрөн сумын Засаг даргын Тамгын газрын хамт олон мөнгөн урамшуулал, дурсгалын зүйл гардууллаа.

Г.Дамдинсүрэн нь "Сүүн тахилт" ТББ-тай хамтран сайн үйлсийн аян өрнүүлж, архи согтууруулах ундааны хор, уршгийн талаар бусдад сурталчлан соён гэгээрүүлэх арга хэмжээг хэрэгжүүлэн ажилласан ба түүний энэхүү ажлыг урамшуулан " Мөрөөдөл биелдэг юм" нэвтрүүлгийн санаачилгаар 2023 оны 11 дүгээр сарын 06-ны өдөр 40 гаруй байгууллага, 100 гаруй иргэний хандив дэмжлэгээр шинэ хашаа байшингийн түлхүүрийг аймаг орон нутгийн удирдлагууд гардуулан өгсөн юм.