Хөвсгөл аймгийн Мөрөн сумын Засаг дарга нь Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн 22 дугаар зүйлийн 22.1.15, Төсвийн тухай хуулийн 14 дүгээр зүйлийн 14.2.3 дахь заалтыг тус тус үндэслэн 2023 оны 4 дүгээр улиралд “Хур хог хаягдал, орчны бохирдлыг устгах, цэвэрлэх үйлчилгээ”-ний гүйцэтгэгч сонгох Сонгон шалгаруулалтыг 2023.09.08-ны өдрөөс 2023.10.08-ны өдрийг дуустал 30 хоногийн хугацаанд Нийтэд Ил тод зарласан ба Сонгон шалгаруулалтад 2 компани материал ирүүлсэн байна.

Сумын Засаг даргын захирамжаар байгуулагдсан “Хур хог хаягдал, орчны бохирдлыг устгах, цэвэрлэх үйлчилгээ”-ний гүйцэтгэгч сонгох Сонгон шалгаруулалтыг зохион байгуулах Ажлын хэсгийн дүгнэлтээр 1,2,3,4,5,11 дүгээр багуудын Хог ачилтыг Мөрөн Хот тохижилт үйлчилгээний төв ХХК, 6,7,8,9,10,12,13,14 дүгээр багуудын Хог ачилтыг Эко эрин тохижилт ХХК-д гэрээгээр гүйцэтгүүлэх мэдэгдлийг хүргүүлээд байна.