Хүүхэд хамгаалийн тухай хуулийн 10.4 дэх хэсэг, Хөдөлмөр, нийгмийн хамгааллийн сайдын 2021 оны А/210 дугаар тушаалаар батлагдсан “Хүүхэд хамгааллийн хариу үйлчилгээ үзүүлэх хуулийн итгээдийг магадлан итгэмжлэх журам”-ын хүрээнд Мөрөн суманд хүүхэд хамгааллийн хариу үйлчилгээ үзүүлэх хуулийн этгээд нь магадлан итгэмжлэлд хамрагдах хүсэлт гаргах боломжтой.

Магадлан итгэмжлэх хүсэлт гаргасан байгууллага дараах бэлтгэлийг хангаж 2023 оны 10 сарын 10-ны дотор Аймгийн Гэр бүл, хүүхэд, залуучуудын хөгжлийн газарт хүргүүлнэ үү.

Байгууллагын бүтэц,байр, тоног төхөөрөмж, үйл ажиллагааны талаарх товч мэдээлэл;

Хүүхэд хамгааллын үйлчилгээний төрөл, хөтөлбөр, хамрах хүрээ

Үйлчилгээ үзүүлэх хэрэгцээний судалгаа

Үндсэн ажилтнуудын товч анкет, хүүхэд хамгааллын чиглэлээр мэргэшсэн диплом, лицензи, гэрчилгээний хуулбар (нэг хүний анкет мэдээлэл 2 хуудсаас хэтрэхгүй байх)

Магадлан итгэмжлүүлэх хүсэлт гаргахаас өмнөх хоёр жилийн хугацаанд үзүүлсэн хүүхэд хамгааллын үйлчилгээнд хамрагдсан үйлчлүүлэгчийн тоо, үр дүн

Журмын хавсралтад заасан "Хүүхэд хамгааллын үйлчилгээ үзүүлэх хуулийн этгээдийг магадлан итгэмжлэх үнэлгээний хүснэгт"-ийн дагуу үзүүлэх үйлчилгээг сонгон байгууллага өөрийн үнэлгээний багийг томилж, үнэлгээ хийсэн тайлан;

Байгууллагын сүүлийн 2 жилийн санхүүгийн тайлан.