Нийтээр тэмдэглэх баярын болон тэмдэглэлт өдрүүдийн тухай хууль, “Алсын хараа-2050” Монгол улсын Урт хугацааны хөгжлийн бодлого болон Монгол улсын Ерөнхийлөгчийн 2012 оны 158 дугаар зарлигийг хэрэгжүүлэх зорилгоор “Үндэсний номын баяр-2023” арга хэмжээ 2023 оны 09 дүгээр сарын 22-ний өдөр Аймгийн нийтийн номын сангийн урд зохион байгуулагдаж байна.

Энэхүү арга хэмжээ нь бүх нийтийн уншлагыг дэмжих, номын сангийн өв санг арвижуулах, хүүхэд залуучуудын сурах эрмэлзэлд дэмжлэг үзүүлэх, эрдэм номыг түгээн дэлгэрүүлэхэд чиглэсэн ба аймгийн ЗДТГ, Соёл урлагийн газар, аймгийн Утга зохиолын нэгдэл, Ерөнхий боловсролын сургуулиуд хамтран зохион байгуулав.