Хөвсгөл аймгийн өсвөрийн Таеквондогийн тамирчид дэлхийд чансаа өндөрт тооцогдож, ирээдүйд олимпод өрсөлдөх тамирчид бэлтгэгдэж байгааг ноён Хо Ин Ёон онцолж, орон нутгийн болон төрийн дэмжлэг хэрэгтэй байгааг дуулгалаа.

Засаг дарга Х.Тайванбаяр баг тамирчдыг аймаг, сум орон нутгийн зүгээс бүх талаар дэмжиж ажиллахаа илэрхийлж, хамтын ажиллагааны төлөвлөгөө гарган бодит ажил болгон хэрэгжүүлэхийг онцоллоо.

Хөвсгөл аймгийн Засаг даргын дэргэдэх “Өсвөрийн шигшээ баг, Хөвсгөл БТСГ-ын харьяа “Хүчит Шонхор” клубийн тамирчид БНХАУ-ын Ханжоу хотод болсон “ГРАНД СЛАМ” Олон Улсын нээлттэй тэмцээнд 35 медаль хүртэж “ШИЛДЭГ БАГ”-аар шалгараад өчигдөрхөн нутагтаа ирээд буй юм.