Засаг даргын мэндчилгээ

Дэлхийн өнцөг булан бүрт амьдарч ажиллаж байгаа Мөрөнчүүддээ болон уугуул нутгийн иргэддээ мэндчилгээ айлсан хүрэх цаг хугацааны мэндийг айлтгая. Миний бие Мөрөн сум хэмээх том хот айлын засаг даргын буюу захирагчын эрхэм хүндтэй үүрэгт ажлыг та бүхнийхээ итгэл сэтгэлээр хүлээн аваад  мөрөнчүүдийнхээ амьдралын чанарыг  дээшлүүлэх хотынхоо өнгө үзэмжийг сайжруулах, бизнесийн таатай орчныг бүрдүүлэх зэрэг олон  зорилтуудыг дэвшүүлэн “-Шинэ Мөрөн хот “ хэмээх томоохон төлөвлөлтийн дор ажиллаж байна. “Шинэ Мөрөн хот” зорилтын хүрээнд олон үр дүнтэй  арга хэмжээг зохион байгуулах, бодлого зорилтоо оновчтой тодорхойлох шаардлага бидэнд тулгарч байна. Манай сум  10290 га нутаг дэвсгэрт, 13-н багийн 12100 гаруй өрхийн суурин бүртгэлтэй 42.900 гаруй иргэд болон түр оршин суугчид нийтдээ 43.000 орчим иргэн, 167.376 толгой малтай болж орон нутгийн томоохон хотуудын нэгэнд зүй ёсоор тооцогдож байна. Мөн зам харилцаа, хот байгуулалт, түүхийн гэрч болсон хөшөө дурсгал сүндэрлэсэн, босоо болон хэвтээ тэнхлэгийн зам дагуу гэрэлтүүлэгтэй, хүүхэд залуучуудын цэцэрлэгт хүрээлэн, ногоон байгууламж бүхий орчин үеийн  хот болон хөгжиж байна.                

Эрхэм Мөрөнчүүд та бүхэндээ  ахмад буурлууд маань арвин их туршлагаа хуваалцаж, хүүхэд залуучууд нь хичээнгүйлэн зүтгэн хөдөлмөрлөж ихийг бүтээн, ард иргэдийн маань сэтгэл санаа өөдрөг, дүүрэн жаргалтай, айл бүхэн элгэн саднаараа энх амгалан, түмэн олноороо түвшин сайхан байхын өлзий дэмбэрэлтэй ерөөлийг өргөн дэвшүүлье.

Шинэ Мөрөн хотдоо
Сэтгэл хангалуун
Сайхан амьдарцгаая

 

Мөрөн сумын засаг дарга ЦЭРЭНБАДАМЫН ГАНСҮХ
Төрсөн газар: Хөвсгөл аймаг Тариалан сум
Гэр бүл: Эхнэр, 3 хүүхдийн хамт амьдардаг.
Мэргэжил: Багш, Төрийн удирдлагын менежер
Ажлын туршлага:

  • - 2001-2002 онд Дэлгэр Мөрөн сургуульд багш
  • 2002-2008 онд АЗДТГ-ын БОА-д мэргэжилтэн
  • 2008-2009 онд Хөвсгөлийн улсын тусгай хамгаалалттай газрын дарга
  • 2010-2011 онд аймгийн МХГ-ын орлогч дарга
  • 2011-2012 онд аймгийн МАН-ын дэд дарга
  • 2012 оноос Мөрөн сумын засаг дарга,     

Гавъяа шагнал:

  • 2003 онд МАСЗХолбооны дээд шагнал “Алтан Од” медаль
  • 2010 онд байгаль орчны тэргүүний ажилтан
  • 2011 онд Ардын хувьсгалын 90 жилийн ойн медаль