Өвөлжилтийн бэлтгэлийг ирэх сарын 15-ны дотор хангахыг үүрэгдлээ

Нийслэлийн удирдах ажилтнуудын шуурхай зөвлөгөөнөөр Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр нийслэлийн хэмжээнд өвөлжилтийн бэлтгэл ажлын явцыг танилцууллаа.

Өнөөдрийн байдлаар өвөлжилтийн бэлтгэл 72 хувьтай байна. Дүүргүүдээр авч үзвэл өвөлжилтийн бэлтгэл ажлын явцаараа Хан-Уул дүүрэг тэргүүлж байгаа бол Багахангай дүүрэгт 52 хувь буюу хамгийн бага үзүүлэлттэй байгаа аж.

Нийслэлийн Засаг дарга бөгөөд Улаанбаатар хотын Захирагч С.Батболд дүүргийн дарга нарыг ажлаа хурдасгаж, есдүгээр сарын 15 гэхэд нийслэлийн хэмжээнд өвөлжилтийн бэлтгэл ажлыг 100 хувь хангаж дуусгах үүрэг өгсөн байна.

Дулаан, цахилгаан хангамжийн өвөлжилтийн бэлтгэл 78.2 хувь, инженерийн хангамжийн байгууллагуудын бэлтгэл ажил 76.5 хувь, Нийслэлийн Засаг даргын хэрэгжүүлэгч агентлаг, харьяа газруудын бэлтгэл ажил 72 хувьтай байна.