Хүүхдийн мөнгийг ялгаварлалгүйгээр олгохоор боллоо

УИХ-ын чуулганы өнөөдрийн нэгдсэн хуралдаанаар Тогтоолд өөрчлөлт оруулах тухай УИХ-ын тогтоолын төслийг хэлэлцлээ. Уг төслийн дагуу хүүхдийн 20 мянган төгрөгийг хүүхдүүдэд ялгаварлалгүйгээр олгох юм.

Гэхдээ зарим гишүүд эдийн засгийн хүндрэлийн улмаас хүүхдийн мөнгийг амьжиргааны төвшин харгалзаж өгөх саналыг гаргаж буй. 2015 оны төсвөөс нэг сая 30 мянган хүүхдэд 20 мянган төгрөг олгоход зориулан 246.7 тэрбум төгрөг зарцуулсан. Харин 2016 оны төсөвт энэхүү хөрөнгийг танаж, 144  тэрбум төгрөг зарцуулахаар тусгасан юм. 

Өөрөөр хэлбэл, хүүхдийн мөнгийг зөвхөн өрхийн амьжиргааны түвшингийн 1-17 дугаар бүлгийн өрхийн 0-18 хүртэлх насны хүүхдэд олгохоор шийдвэрлэсэн юм.